A Trabada do Pingüín

Falemos daquel que leva as rendas da revolución OSS: Linux. Falemos tamén do decrepito imperio de Windows e máis do que está por espertar do seu decrepito pasado: o dragón asiático.

Amais, ámbolos dous últimos imperios que mencionei están tan vencellados coma os mesmos poderes e ideoloxías que os rixen. Isto é, que a guerra contra o imperio Microsoft non é unha banal guerra informática, allea a calquera intrusión foránea, senón todo o contrario. Recordaderes a recente visita oficial do Presidente Chino ós USA, non?. En canto Jiang Zemin se baixou do avión o seu sequito de diplomáticos estaba xa reuníndose con Bill Gates e isto é que tal banquete diplomático tiña máis presa cá mesma visista a Geroge Bush, inda que con este houbera que falar das tropas na Corea.

Nalgunha hora O Imperio Chinés podería facer palidecer a mesmisima e contemporánea Roma Imperial. Hoxe, caidos os vellos imperios, China mantén un tremendo peso demográfico e rebule nela un puxante rexurdir económico que está a cambia-lo mercado global. Case non fai falta que o mencione: é o dragón asiático. Agora ben, China decidiu facer unha aposta tecnolóxica que rompe as barreiras do casual e vai tan aló que pon nela o que poida dar de si, pola propia transcendencia da mesma.

Sáibase que China aposta encarecidamente, e oficialemente dende hai anos, por Linux. Mesmo desenvolve a súa propia distribución, é dicir, variante de Linux: Red Flag Linux. Amais conta cun potente mercado de venta comercial de Linux.Turbolinux, unha afamada distribución, lidera o mercado interno na China e mesmo ben preinstalada en moitos dos PC que se están a vender no basto país. Tras esta séguelle Suse Linux e outras distribucións de Linux comercializadas (vd. os termos da GPL). Isto gústalle a Beijin, xa que o promove con fervor, e pretende facer do Linux o seu Sistema Operativo, liberandose así da dependecia tecnolóxica dos paises occidentais, non tanto de Europa senón dos USA. Isto non tería maior transcendencia, lectores blogeiro-adictos, se non fora porque China xa domina a venda de Hardware. É un cálculo alxebraico básico: PC + Sistema Operativo = Dominio tecnolóxico absoluto. Isto, abofé, habería de darlle un impulso crítico ó avance da economia do estado social-comunista chinés (como gustan de que chamen a este modelo a autoritario pseudo-capitalista). Esta é a razón pola que Jiang Zemin fixou a súa vista en Bill cando decidiu as súa vacacións por asuntos comerciais nos USA. Por unha banda desexa seguir co seu proxecto de reforma e reactivación do estado Chinés intentando afacerse co dominio tecnolóxico namentres que por outra banda tentan manter unhas relacións cordiais con, de momento, aliados estratéxicos que lle permitan acceder ó mercado de petroleo e os recursos mineiros africanos, tan vitais na industria tecnolóxica. De momento isto último pasa polos USA e por Bill e isto explica os equilibrios diplomáticos, case malabares, do goberno de Beijin.

A día de hoxe Microsoft, e cóntovo-lo case en directo, acaba de recibir un novo traspés da man da Comisión Europea pois foi condenado a pagar unha multa dun porrazo de millóns de euros diarios por non cumplir coa lei da competencia europea do 2004. Inda que poida parecer que para os ultramillonarios xigantes tecnolóxicos estás multas sexan coma as de aparcar para calquera de nós, o tranfondo que isto agocha é da mesma magnitude co caso Chinés. Europa, en palabras do Financial Times, semella "envelenada" en contra de Microsoft. As razóns?: poñamos que análogas ás chinesas. Tras esta furia esá o feito de que Linux ofrece a posiblidade de obeter maior competitividade, seguridade e flexiblidade tecnolóxica ó mesmo tempo que evita o pago de licenzas e reduce costos de mantemento. O espertar do dragón afundirá o mercado asiático de imperio de Bill (quen agora se agocha e deixa que o seu "secuaz" Ballmer fale por el) e para cando Vista dea chegado será pouco demais demasiado tarde. Linux avanza na guerra da man de poderosos aliados.

chúzame