A Trabada do Pingüín

Desde que comecei este blog non paro de repetir o mesmo leiv motif: "migra a Linux". Algunha que outra vez teño exposto o que necesitas facer tal. Hoxe volvo a recopilar os motivos e os pasos que terás que dar.

Ante todo, porqué un debería de deixar de usar Windows e empregar algo tan "raro" coma Linux?. Ben, aquí vai:

1. Linux é 100% gratis, sen trucos. Windows non.

2. Linux é estable e seguro, moi seguro. De feito non necesitas antivirus nin antimalware nin semellantes.

3. Desde o momento cero que instalas calquera Linux xa tes instalado unha suite ofimática, reprodutores multimedia, programas de retoque fotográfico, editores de audio e video, mensaxeiros instantáneos, navegadores web, lectores de correo e novas... Todo por cero euros. Ah!, non programas calquera, probablemente dos mellores programas que existen, completiños. Dende o momento cero Linux está listo pra usar.

4. Poden pasar literalmente anos sen ter que reiniciar o ordenador. En serio, Linux está deseñado pra isto. As instalacións de software son simplísimas e non se necesita que deixes de facer o que estabas facendo, sin reinicios nin demais. Ademais, cunha conexión a internet, todo, incluído o software, actualizase automáticamente cun só clic.

5. Se non che gusta a "versión" de Linux que escolliches desintala-la e escolles outra, total, son gratis!.

Mais, donde consigo Linux? que Linux escollo?:

1. Linux é un proxecto altruista que naceu na rede e que calquera pode modificar así que dende o ano 1992 no que Linux naceu foron aparecendo literalmente miles de versións. Estas versión son chamadas "distros" (Mesmo ti poderías facer o teu propio Linux persoalizado)

2. Porén, só unhas poucas distros "dominan". Cada distro ten unha gran comunidade de usuarios e empresas que a apoian e axudan ós usuarios desta. Calquera elección é boa mais non está demais acudir ás grandes.

E cales son as grandes?. Citarei as miñas recomendacións para principiantes (por idade da distro):

Fedora
É probablemente a maior distro de todas, a herdeira de Red Hat. Agora mesmo é unha elección estupenda pois caba de saírFedora 7 Moonshine.

Facilidade de uso: 8/10. Usuario corrente. Calquera
Facilidade de administración: 6/10 Experto. Está neste aspecto pensada máis para xente algo experta. De calquera xeito moi recomendable incluso dende o principio.

Flexibilidade: Alta. Permite escoller GNOME ou KDE.

Software: Abundante. Hai moito software dispoñible.

Comunidade: 9/10. Hai moita xente que usa fedora. A axuda e información dispoñible é inmensa.

<< Descarga

OpenSUSE

É a segunda das distros máis antigas que inda sobrevive, e de que maneira. é unha distro moi robusta, con moitas innovacións e sobre de todo pensada para competir con calquera. é unha opción segura. Actualmente atopase na versión 10.2 e no Outubro sairá a versión 10.3. Destaca por ser5 a vez facil de usar e ter potentes ferramentas de administración: YAST.

Se queres seguir conservando Windows no teu disco duro openSuse fai o traballo duro por ti sen dor e sen defraudar. As opcións por defecto na instalación non soen fallar.

Facilidade de uso: 10/10

Facilidade de administración: 9/10. Yast (un "centro de control") permite configurar practicamente de todo dun xeito visual. Permite opcións avanzadas e moi potentes de rescate do sistema.

Flexibilidade: Alta. Permite escoller escritorio KDE, Gnome, Xfce (entre outros).

Software: Abundante.

Comunidade: 10/10. A web do proxecto ten tutoriais de todo, hai abuntantes foros en tódolos idiomas.

<< Descarga

Mandriva

Gran momento para agarrarse esta distro que acaba de renovarse con Mandriva One 2007. Algo de capa caida, mais que segue a ser todo un referente para os principiantes en Linux. É unha gran opción. ó igual ca openSuse conta cunha ferramenta de administración do sitema moi avanzada e sinxela de usar.

Facilidade de uso: 10/10

Facilidade de administración: 8/10

Flexibilidadade: Media-alta

Software: Relativamente abundante

Comunidade: 6/10. Bastantes foros en moitos idiomas

<< Descarga

Ubuntu

Esta malparida distro naceu do gran proxecto de Debian. Namentres que Ubuntu leva a fama, Debian leva a auga, como o Miño mailo Sil, digamos. Porén. vexome na encrucillada moral de ter que recomendala por tal brutal adopción e popularidade que nos últimos dous anos acadou. Ubuntu aporta mais ben pouco, é moi sinxela de usar e ofrece algunha ferramenta de administración de sistema avanzada. Se cadra o que máis destaca é a amplia (teoricamente) gama de drivers que inclúe.

Facilidade de uso: 8/10

Facilidade de administración: 3/10: seredes escravos da consola e dos foros con esta distro. (Eu para modificar a resolución dunha pantalla Philips debin editar manualmente!!! un scrip. Por defecto non activa a conta root! e isto máis ca unha vantaxe para quen administre o sistema é todo o contrario.

Flexibilidade: Moi baixa. Ubuntu por defecto usa Gnome, o proxecto "parente" usa KDE, mais instalar na outra o outro escritorio pode ser tedioso.

Software: Relativamente alto.

Comunidade: 6/10. Hai información abundante e bastantes grupos locais, incluida SP. Está traducida ó galego ó 100% (creo recordar). Mais, dise ás veces que os foros non soen ser moi útiles inda que non podo confirmalo.

<< Descarga

Continuará...

chúzame