A Trabada do Pingüín

Navegando por aí atopeime cun anuncio que reza:

"Any government that puts war before the health of 9 million children has its priorities wrong"

traducido: "Calquera goberno que antepón a guerra á saúde de 9 millóns de nenos equivócase nas súas prioridades". Canta verdade!.

O máis sorprendente é que este é o lema dunha nena que se presenta ás presidenciais dos Estados Unidos de América!: Susie Flynn. Podedes comprobalo vos mesmos: [Susie Flynn for President].

Non é unha candidata á presidencia de Somalia, nin de RD Do Congo nin de Venezuela nin de ningún país sumido na miseria da pobreza senón dos opulentos USA. Na súa páxina explica:

• 9 millóns de nenos nos USA carece de seguro médico (e polo tanto de protección sanitaria algunha)
• a protección sanitaria da infancia é a máis barata de todas e o costo é proporcionalmente mínimo.
• o gasto sanitario nosUSA é o dobre ca nos paises industrializados e sen embargo é dos países con máis mortandade infantíl destes (* será porque os pobres non son quen de pagar os seguros e ter acceso á sanidades e por que os ricos teñen aceso a recursos dispersos en clínicas privadas?)

Non sei se esta nena legalmente se pode presentar a Presidenta ou se é unha imaxe dunha campaña que loita por unha causa moralmente xusta que emprega unha técnica moralmente burda.

Mais, se ser capitalistas significa que nin a saúde da xente é cousa do estado daquela eu non son capitalista.

chúzame