A Trabada do Pingüín

Dende a prehistoria da internet debátese acaloradamente se Windows é máis seguro ca Linux no que a virus se refire ou se é o contrario. Salvo que lle preguntes a un informático ben pagado (e que soen vestir de traxe e corbarta) tódolos "entendidos" lle dirán que é ó contrario. En IToolBox fan un bo resumo do porqué así que e eu hoxe fágome eco do que nos contan [nova]. Velaí vaí:

Premisa 1. A seguridade dun sistema operativo (Windows, Mac, Linux, FreeBSD...) depende de como este esté configurado e non da posibilidade de que este se poida infectar ou non. é maís, a cuestión é como o sistema reacciona ante unha infección vírica.

Premisa 2. Linux foi dende o comezo pensado coma un sistema multiusuario e Windows non. WIndows inda  hoxe herda ainda comportamentos propios deses inicios monousuario e pouco apropiados para o actual mundo de internet.

Razón 1. Consecuencia da premisa 2, nun sistema Windows a interación do usuario co espazo do sistema (que goberna o funcionamento do sistema operativo) é moi ampla e calquera virus que teña acceso a el pode chegar controla-lo sistema dun xeito sinxelo. Unha infección  en Linux non. Neste a interacción do usuario co espazo do sistema está reducida e controlada así que calquera infección dun virus redúcese ó usuario que estaba a traballar no sisema no momento da infección e só lle afectará ós seus ficheiros e configuracións da súa conta de usuario.

Razón 2. Eliminar un virus en Linux é tan sinxelo coma eliminar os arquivos ocultos do usuario infectado. Esto restaura os valores de configuración por defecto do escritorio. En Windows a infección pódese extender por todo o sistema e a desinfección complícase xa que habitualmente hai que desisnfectar ficheiros vitais para o funcionamento do sistema.
Razón 3. Calquera conta de usuario en Windows ten permiso para instalar e modifica-lo sistema; o cal implica que as infección en contas de usuario "alleas" se propaguen a outras e ó núcleo do sistema mesmo. En Linux, pola contra, é necesario ser o administrador para instalar e modificar o sistema. Esto evita que se instalen virus e se propaguen (e é en parte a explicación para a Razón 2).

Razón 4. Linux non só actualiza en liña o núcleo do sistema operativo senón que actualiza todos os programas intalados. En Windows isto non é así. Como un programa non actualizado pode conter fallos de seguridade que permitan a entrada de virus, un sistema Linux actualizado periodicamente é garante dun sistema o máis seguro posible.

Conclusión. Un sistema Windows é por defecto inseguro namentres que un sistema Linux calquera actualizado e empregado correctamente (usando a conta de administrador só para administrar o sistema) é un sistema virtualmente inmune.

chuzame -

Teño que recoñecer que nunca fun fan de Gnome. Nin da súa filosofía nin dos seus méritos. Creo que xa expresei aquí o que pensaba ó respecto. Mais penso que non me engano desta volta. De feito tardei en escribir este artículo, algo debido á mistura da necesidade de calmar a miña ira e das falta de ganas de escribir ó respecto. Hei falar do fundador de Gnome, Miguel de Icaza, esa venerable vaca sagrada, paladín do comportamento en software libre e admirable GNU-sofista.

Empezo polo resumo: o fundador do proxecto Gnome é un traidor. Miguel de Icaza é un traidor. Logo de ler esta [entrevista] non teño dubidas e heino dicir tan alto coma poida. Traidor!.

Nótese onde se fai a entrevista; en 'Redmon Developers News' e a conto de que lla fan, do seu malparido proxecto Moonlight.

Quedénse!: -Miguel de Icaza- " Dende o punto de vista da comunidade do código aberto...nós, coma calquera proxecto de software, somos conscientes de que as patentes son un problema. Non nos gustan. Pensamos que son perniciosas para a industria, mais sabemos que temos que acatar ese sistema"... "A realidade é que estamos a vivir nun mundo onde algunha xente quererá aplicar esas patentes. Non imos ir en contra de ninguén e dicir 'Non imos eliminar iso' (en referencia ó código que puidera infrinxir patentes). É preferible non ir a xuízos. De feito isto non só se limita ó código aberto -- tódalas compañías están baixo estes parámetros." .

"Acatar". Ben. Acaten logo as patentes e queden co cu sentado no sofá. Non faga nada e deixe que o sistema vaia como vai. Acate tamén que hai 46 mill. de enfermos de SIDA no mundo, que se fabrican e usas bombas de racimo, que o racismo é unha arma mortifera en moitos paises, que noutros tantos se aplica a ablación e acaten tamén que siga habendo escravos. Acaten todo iso e non fagan nada.

Grazas que as patentes en Software na Unión Europea non son legais. Esperemos algún día sexa igual para o resto do planeta e así mesmo para as patentes no sistema farmacéutico. Pero, mentres que isto non sexa así, móvase e dende o seu relevante status, Icaza, posicionese claramente en contra delas. Evíteas, recurras legalmente. Iso é o que espero eu dun advocado do código aberto e dun "GNU-sofista" coma vostede é.

Na entrevista hai máis xoiñas, pero ata me aburre comentalas. Van dende que Google apoia tanto ó código aberto coma Microsoft ata que lle fai ilusión que Microsoft o invite ás súas reunións.

Non son menos despreciables as súa palabras sobre da gran polémica en tormo a ODF contra OOXML. A ISO, a Organización Internacional para a Estandarización, ten aprovado o ODF coma formato estándar [>] de documentos electrónicos mais Microsoft quere que o seu formato sacado da manga, o OOXML, o sexa tamén, nun intento de deprecar o ODF e conbatilo coa súa propia arma [Máis info]. De momento o perdedor é o OOXML que non conseguiu a ratificación por vía rápida inda que queda pendente unha votación ó respecto en Febreiro na ISO.

Pois ben, Miguel de Icaza dixit - "O OOXML é un estandar soberbio e os seus competidores lanzaron tanta FUD [*medos, incertidumes e dúbidas] que a xente seria pensa que hai algo que non está ben no formato. E resulta que neste momento o OOXML como especificación está moito máis avanzado ca calquera outro no seu terreo"-

Si, o OOXML permiteche traballar con Office 2007, coas versións anteriores de Office, eh..., cos produtos de Microsoft... um, ah!, en xeral, con todo o que vaia ben con Microsoft. Tocaio! como se vai a poder aprovar un estandar cando xa hai outro para a mesma función, cando as especificacións son cripticas, e cando só o propón unha entidade, neste caso unha empresa?. Mañá mesmo vou ir a propoñer na ISO un novo estandar. . Si. Vai ser o "carracho", una nova medidad de lonxitude para sustituír ó metro, que non me gusta (por ser francés) e a unidade de referencia non lla vou ensinar a ninguén: heina ter ghardada na horta. As especficación vai ser - lonxitude aproximada dun carracho, unidade real gardada na miña casa, visita previo pago. Máis información na miña web, acesso previo pago- Vamos ho!.

Pensemos por un momento que todo isto foi un lapsus mental deste mexicano. Haberá algo na súa traxectoria que sexa digno de mención?. Pois si. Iniciou Gnome, Mono e agora Moonlight. Os últimos dous pra traer a merda de Microsoft  a Linux.  Mono ten a única intención de proveer dun entorno que sustituia ó Microsoft .NET. Moonlight nace dende Mono co intención de traer o proxecto/produto Silverlight de Microsoft a Linux. Todos proxectos adorables e venerables. Permitir que o xogo de abuso de posición de Microsoft chegue a Linux. Creo que xa repetín varias veces o nome 'Microsoft, non?. Ata puidera parecer que este home traballa para a asusodita empresa. Traidor!.

chuzame -

O Ministerio de Educación Francés decide migrar 3000 servidores a Linux [nova].

Con isto fai fincapé na estratexia tecnolóxica do país, que cada día máis é a da meirande parte dos estados. Estes servidores serven ós centros educativos do país e ata o de agora eran levados con software privado.

O Ministro de Educación di que tales empresas privadas servian ben ós intereses requeridos pero que a medida responde 'ós altos custos das licencias de software, o hardware, o soporte e do desenvolvemento de aplicacións avanzadas'. Red Hat é a empresa afortunada en facer que Francia dependa menos de empresas privadas no eido tecnolóxico.

Recordar que a Asamblea Francesa [wk] xa emprega Linux [nova] e que en Alemania se vai producir unha migración incluso de maior embergadura a que plane a Francia [nova]. Para cando España?.

chuzame -

Ó final foi. Logo de tantos rumores a maior produtora detecnoloxía do mundo, a ianki Hewlett-Packard, comezará a vender PCs con 'Red Hat Enterprise Linux 5' [inf] en Australia [Noticia 1, 2]. De momento só venderá o HP Compaq dx2250 [inf] no país austral. Este produto está dirixido a medinas e pequenas empresas que prefiren aforrar os cartos das licencias doutros OSs.

HP súmase ó resto dos grandes produtores de PC: Dell e Acer (que vende PCs con Ubuntu preintalado en Singapur), quen en diferente grao xa se meteron no 'negocio Linux'. Así que axiña poderemos ver á venda nas tendas do noso país PC que no canto lucir pantallas con coloridas ventás mostren pingüíns ;). A aposta de HP así mo fai crer e espero que sexa verdade.

 PD: algúns xogos numéricos [>] coas poucas estatísticas que hai sobre do uso de Linux mostran cifras de 50 millóns de usuarios de Linux en todo o Planeta, o dobre que de Macs . Esta pode ser unha boa explicación ás liñas de arriba. 

chuzame -

Os universitarios xermanos terán proximamente unha universidade con infraestrutura manexada por Linux. Novell anunciou que 33 universidades federais do estado Xermano de Nordrheim-Westfalen [wk] adoptaran solucións desta empresa, que se adicada a Linux. Así 560.000 de universitarios desfrutarán do sistema operativo aberto. Segundo os xermanos esto aforraralle cartos ás universidades, contarán cun sistema moito máis flexible e evitarán estar no futuro presos dun fabricante. Recordar que nese estado federado atópanse cidades coma Colonia, Bonn, Düsseldof, Essen ou Münster e as súas respectivas universidades, especialmente as de Colonia e Bonn.

Esta decisión súmase a que xa provee a 300.000 universitarios de Linux nas súas universidades dos estados federados de Bayern [wk] e Thüringen [wk]. Con isto o 40% das universidades de Alemania empregaran solución de Novell, e dicir, Linux.

[Anuncio oficial] 

PD: Este meu blog nos últimos dous meses recibiu unhas 2500 visitas, o que fai que cada post teña de media uns 80 lectores. Inda por riba supón o 2% do tráfico de visitas de blogaliza.org así que a miña eterna gratitude ós que me ledes. Grazas. Tambem aos portuguêses e aos brasileiros que rematades aqui e isso que eu nao posso hachar a razao (ehem, desculpade o meu portuxés, ;)).

chuzame -

Grazas a ferramenta de seguridade AppArmor [wk] un usuario de Skype para Linux descobre que este programa de comunicación por voz intenta acceder a información do cartafol '/etc/passwrd ' (que serve para cambia-los contrasinais de usuario [wk]). Gran sorpresa. Skype zosca nos contrasinais que usamos.

Pero hai máis. Resulta que o mesmo fai Skype cos cartafoles e subcartafoles de Firefox!; e isto inclúe fisgar nas extensións e demais complementos!.

Post orixinal denunciando o caso: [Forum Skype]

Que pretende a empresa Skype con isto?. Recolle información que lle poida ser útil comercialmente?. éche o que ten o software privativo, nunca o saberemos.

No entanto eu recomendoche cambiar de cliente VoIP. Un estupendo de código aberto é OpenWengo, e non lle envidia nada ó antedito.

chuzame -

<<Me odiaba mi primo
Por celos a mi carrera.
Lo arrestaron y dijo
Que terrorista yo era.

 

Guantanamero, soy preso guantanamero.
Guantanamero, soy preso guantanamero.

Ha decidido el imperio
Tenerme por siempre preso
Y la cuestión es hacerlo
Con o sin falso proceso...>>

Máis que pasmado me quedei o velo video este e descubrir que ese ghreñas do vídeo, o ilustre guru Linux Richard Stallman [Wk], inda lle dá a iso de cantar e sobre de todo é dos poucos americanos con collós pra dicir o que di. Vede [stallman.org].

PD. Inda que este venerable home merece o meu máis sentido aplauso logo propón o boycott ós libros de Harry Potter en prol, teoricamente, dos dereitos humanos. Um?. Que alghén mo explique.

chuzame -

Co nacemento de Linux naceu toda unha nova filosofía, dende o comezo ben vencellada á actividade da GNU Software Foundation. Aquí a historia complícase e mesmo haberá, como con calquera relato histórico, quen disinta. Co lanzamento de Linux no 1992 pódese dicir que nace a era da liberdade dixital. A rede xa era de todos e mesmo servia para sementar, desenvolver e parir proxectos altruístas. Ó cabo isto non foi máis que o outro paso na creación do espello da sociedade real na rede.

Mais o propio desenvolvemento da tecnoloxía informática comezaba os seus pasos na dirección de facilita-la interacción dun xeito visual, interactivo. Fixo falta case todo o século para empezar a desenvolver as GUI ó nivel de hoxe e só o remate do século XX naceron os escritorios libres que serviron para darlle cara ó proxecto Linux.

Con este post rindo homenaxe ó nacemento de KDE no ano 1996 pois xa se cumpre, ó atravesar tamén Gnome a barreira dos dez, máis dunha década de escritorios libres.

[AVANCE: Verás o primeiro 'ordenador', o primeiro rato, o primeiro Apple e o primeiro Windows, tamén o primeiro KDE e o próximo e o primeiro GNOME >> Colle algo de picar, algo de beber e Segue lendo]

Continua leyendo »

chuzame -

Cúmprense hoxe 10 anos dende o comezo do desenvolvemento dun dos escritorios de maior éxito na plataforma Linux: GNOME.

Tal día coma hoxe o mexicano Miguel de Icaza, daquela estudante na facultade de ciencias de UNAM, publicaba: "Queremos desenvolver un escritorio libre e completamente preparado para ser fácil de usar e mais ferramentas do escritorio, similares a CDE e KDE mais enteiramente basadas en software libre". [1]

Co anuncio da creación do proxecto GNOME daba resposta a un exitoso proxecto nado en Alemania chamado KDE e basado en tecnoloxía Qt [2, 3]. As suspicacias que levantaban que Qt naquel momento non fora software libre senón producido pola nórdica 'Troll Tech' levaba a Icaza a proclamar que o escritorio KDE violaba a licenza GPL e que era necesario contratacar creando un escritorio basado extrictamente en tecnoloxía libre e desenvolto sobre (o horrendo) GTK+[4]. Esta falacia foi apoiada pola 'GNU Project and Software Foundation' e da man desta iniciarion unha guerra fría entre o novo proxecto e KDE.

O novo escritorio naceu coa pretensión de facerse fácil de usar mais rematou chegando a unha aproximación filosófica perversa que reza que para que un programa sexa fácil de usar, e en xeral GNOME, debe de ofrecer o mínimo de posibilidades con tal de que manteña a 'usabilidade' incluso se é necesario privándoo das posibilidades reais do sistema [5, 6]. KDE pola contra segue a aproximación contraria de ofrecer ó usuario todo o poder do sistema graficamente. Estas dúas aproximación levaron a que repetidamente o fundador de Linux, Linux Torvalds, apoiase publicamente ó escritorio KDE e criticase fortisimamente a idea de que para que algo sexa 'usable' debe de ser simple dicindo que os usuario non deben de ser tratados coma 'estúpidos' [7]. Mesmo Linus para revelar o certo do que dicía creou un parche para configurar os efectos de ventá que se aplican con cada tipo de clic e enviouno ó proxecto GNOME. Argumentou que non lle levara nin dúas horas. Ese parche, ata onde eu sei, nunca se incluíu en GNOME ó ir en contra do seu manifesto de implementacións visuais [8].

No ano 2000 Troll Tech lanzou a súa plataforma de desenvolvemento baixo a GPL quedando así as 'dúbidas' disipadas en torno á 'legalidade' e futuro do entorno mais os dous proxectos, conceptualmente diferentes, seguiron os seus respectivos camiños. Inda así o proxeto freedesktop.org serve de plataforma de entendemento e aproximación ós dous entornos. Hoxe por hoxe, Gnome constitúe o segundo escritorio máis usado [ler PD] e está a recibir un forte pulo grazas ó 'éxito' de Ubuntu e do apoio de grandes empresas do sector Linux. Non cabe dúbida de que o proxecto de Icaza foi realmente exitoso e é hoxe unha verdadeira revolución digna de mención e loa.

PD: a falta de estatísticas fiables a afirmación parte dos datos publicados (estadisticas de distros, enquisas, descargas totais, popularidades das web dos entornos...) e da propia percepción recollida destes .

chuzame -

O terceiro fabricante de PC do mundo, a China-Estadounidente Lenovo comezará a vender a súa gama alta de Portátiles, a Thinkpad, co Linux comercial de Novell (o SLED 10) preinstalado de fábrica. Segue así os pasos da primeira fabricante na industria, Dell que vende PC e portátiles coa arquifamosa distro Ubuntu Linux [>>]

Tamén Dell, e tras centos de peticións na súa web, extende a oferta de PC con Linux a Gran Bretaña, Alemania e Francia. Ata o momento só comezara a venda nos EEUU. Esperemos que pronto sexa tamén extensible esta oferta o noso país e poidamos comprar PC sen pagarlle M$ e sabendo que o hardware non ben capado.

chuzame -